台語學習 - 失控的台語課
## 《台語嘛會通》
https://www.facebook.com/taigikho/posts/1268309943222988
❝ TÂI-GÍ MĀ Ē THONG ❞
傳承臺語，少年的頂會起。大學生欲做，予人閣較感心！少歲人攏佮意講，語言才會大葩尾。歡迎到展覽會場參觀兼牽教，看是欲共設計團隊呵咾幾句仔，抑是欲互相落氣求進步，攏來蹔蹔咧就著矣啦！
Thuân-sîng Tâi-gí, siàu-liân--ê tíng ē khí. Tāi-ha̍k-sing beh tsò, hōo lâng koh-khah kám-sim! Tsió-huè-lâng lóng kah-ì kóng, gí-giân tsiah ē tuā-pha-bué. Huan-gîng kàu tián-lám huē-tiûnn tsham-kuan kiam khan-kà, khuànn sī beh kā siat-kè thuân-tuī o-ló--kuí-kù-á, ia̍h-sī beh hōo-siong làu-khuì kiû tsìn-pōo, lóng lâi tsàm-tsàm--leh tō tio̍h--ah--lah!
【翻譯甜粿】►►〔傳承臺語，年輕人接班接得起。大學生要做，讓人更加感動！年紀輕的人都喜歡說，語言才會持續成長蓬勃。歡迎到展覽會場參觀及指教，想要稱讚一下設計團隊，或想要指正缺失以求進步，都來走一走就對了啦！〕
https://www.facebook.com/%E5%8F%B0%E8%AA%9E%E5%98%9B%E6%9C%83%E9%80%9A-389415258080625/
##
https://www.facebook.com/taigikho/posts/1325762604144388
❍「我袂曉講臺語，毋過，我足想欲共學起來。」
“ Guá bē-hiáu kóng Tâi-gí, m̄-koh, guá tsiok siūnn-beh kā o̍h--khí-lâi. ”
❍ 這是一陣臺北囡仔做出來的畢業主題，阮佮𪜶無熟似，嘛毋知𪜶到底是咧舞啥物 XDDD，干焦聽見講(thiann-eh-kóng)……其實𪜶大學生攏足想欲講臺語的，啊都會曉臺語的社會人攏無啥愛和少年的講，才會害𪜶臺語講甲遮䆀！
Tse sī tsi̍t tīn Tâi-pak gín-á tsò--tshut-lâi ê pit-gia̍p tsú-tê, guán kah in bô si̍k-sāi, mā m̄ tsai in tàu-té sī leh bú siánn-mi̍h, kan-na thiann-eh-kóng... kî-si̍t in tāi-ha̍k-sing lóng tsiok siūnn-beh kóng Tâi-gí--ê, ah-to ē-hiáu Tâi-gí ê siā-huē-lâng lóng bô siánn ài hâm siàu-liân--ê kóng, tsiah ē hāi in Tâi-gí kóng kah tsiah bái!
❍ 少年的無環境通好練，是咱臺語人的責任。咱毋但愛和老大人講臺語，拄著講袂順的少歲人，咱閣較愛講，當然，態度愛好，才袂為著講臺語去犯人欹。
Siàu-liân--ê bô khuân-kíng thang-hó liān, sī lán Tâi-gí-lâng ê tsik-jīm. Lán m̄-nā ài hâm lāu-tuā-lâng kóng Tâi-gí, tú-tio̍h kóng bē sūn ê tsió-huè-lâng, lán koh-khah ài kóng, tong-jiân, thāi-tōo ài hó, tsiah bē uī-tio̍h kóng Tâi-gí khì huān-lâng-khia.
❍ 予人學會曉講，才是傳承。
Hōo lâng o̍h ē-hiáu kóng, tsiah-sī thuân-sîng.
►翻譯甜粿【「我不會說臺語，不過，我很想學會。」██ 這是一群臺北小孩做出來的畢業主題，我們不認識他們，也不知他們到底是在搞什麼 XDDD，只聽說……其實他們大學生都超想說臺語的，是會臺語的社會人都不太愛和年輕人用臺語交談，才害他們臺語說得這麼爛！██ 年輕人沒環境可練，是我們臺語人的責任。我們不只要和老長輩說臺語，遇到臺語不順的的年輕人，我們更要說，當然，態度要好，才不會因為說臺語這件事而被說嘴。██ 讓人學會說，才是傳承。】
https://www.facebook.com/media/set/?vanity=ConvenienceFood4Thought&set=a.1879717362351204
## 【表0/18】◎ 聲調〔臺羅調符－臺語假名調符〕
https://www.facebook.com/taigikho/photos/a.1439113749475939/1439114506142530/
## 臺羅修鍊會 (TL001)｜2018.04.20｜
https://www.facebook.com/media/set/?vanity=taigikho&set=a.1617166028337376
❍ 這篇若看無，會當用聽的。音檔：〔 https://youtu.be/lX0FjizyKSA 〕。
▍Ua̍h-tāng kiat-sok! Koh ke tsi̍t tīn lâng ē-hiáng siá Tâi-gí-bûn--ah--liooh.
(活動結束！閣加一陣人會曉寫臺語文矣嘞。)
▍Siāng-tāi-sing lia̍h-tsún “Tâi-lô” sī tsió-lâng beh o̍h, khah siūnn to liāu-sióng-bē-kàu...... tsió-khueh--leh! Lōo-bué tsa̍p-la̍k ê lâng-gia̍h pò kah muá, lóng beh lâi tshin-tshiú siá khuànn-māi-á jîn-sing tē-it phinn Tâi-gí-bûn. Thâu--á, tong-jiân sī li-li-lak-lak, siá bē tàu-tah, ke siá--kuí-phinn-á, liâm-mi tō siá kah ē suà-phah.
(上代先掠準「臺羅」是少人欲學，較想都料想袂到……少缺咧！路尾十六个人額報甲滿，攏欲來親手寫看覓仔人生第一篇臺語文。頭仔，當然是離離落落、寫袂鬥搭，加寫幾篇仔，連鞭就寫甲會紲拍。)
▍Tsún-nā ē-hiáng kóng Tâi-gí ê lâng, mā lóng ē-hiáng siá Tâi-gí, ū tsâi-tiāu “pit-á-bué kì lán tshuì-kháu uē”, án-ne khuànn ū luā hó.
(準若會曉講臺語的人，嘛攏會曉寫臺語、有才調「筆仔尾記咱喙口話」，按呢看有偌好。)
❍ 譯文：【活動結束！又多了一群人會寫臺語文了哦。】* *【最開始以為「臺羅」沒什麼人想學，怎樣也想不到……想學的人可多了！結果是十六人名額報滿了，都想來寫看看人生中的第一篇臺語文。起初，當然是七零八落、東寫西漏，多寫個幾篇，很快就能寫到利落上手。】* *【要是會說臺語的人，也都會寫臺語、有能力「把口說語言在筆尖下記錄下來」(我手寫我口)，這樣該有多好。】
## Glossika 人物專訪
https://www.facebook.com/taigikho/posts/1667721043281874
❍ Glossika 人物專訪 (上)【 https://youtu.be/KWqx9RBZveY 】。
❍ Glossika 人物專訪 (下)【 https://youtu.be/ex22Warne2c 】。
▍看著鏡頭活欲緊張死，話捎咧就烏白 tha̍t。
## 臺羅（臺語書寫）學習基礎資料
https://www.facebook.com/taigikho/posts/2649862801734355
用「你學英語、日本話抑是韓國話十份一的時間」來學臺語，
Iōng “lí o̍h Ing-gí, Ji̍t-pún-uē ia̍h-sī Hân-kok-uē tsa̍p hūn tsi̍t ê sî-kan” lâi o̍h Tâi-gí,
【用「你學英語、日語或是韓語十分之一的時間」來學臺語，】
包穩你半冬內講甲削削叫。
pau-ún lí puànn tang lāi kóng kah siah-siah-kiò.
【保證你半年內說得嚇嚇叫。】
若本底就會曉臺語的人，有想欲學「臺羅」，
Nā pún-té tō ē-hiáu Tâi-gí ê lâng, ū siūnn-beh o̍h “TÂI-LÔ”,
【如果本來就會臺語的人，有想要學「臺羅」，】
一禮拜。
tsi̍t lé-pài.
【一個禮拜。】
著，就是一禮拜！若是有注心、有規心咧練。
Tio̍h, tō sī tsi̍t lé-pài! Nā-sī ū tsù-sim, ū kui-sim teh liān.
【對，就是一個禮拜！要是有全神貫注地練習的話。】
喂！和阮阿公、阿媽都一禮拜內就學起來矣，
Eh! Hām guán a-kong, a-má to tsi̍t lé-pài lāi tō o̍h--khí-lâi--ah,
【欸！連我阿公、阿媽都能在一星期內就學得會，】
少年的，你咧驚啥？
siàu-liân--ê, lí teh kiann sannh?
【年輕人，你在怕什麼？】
▩ 臺羅（臺語書寫）學習基礎資料：
▍臺羅手冊〔 https://tinyurl.com/y5dmw6el 〕
▍臺羅教學網〔 https://tinyurl.com/y3wtohy7 〕
▍學習手冊內附發音〔 https://tinyurl.com/s8dezlg 〕
▍辭典附發音〔 https://tinyurl.com/y9gy75t8 〕
▍推薦用字 700 字〔 https://tinyurl.com/y3d7ooaw 〕
留言
張貼留言